شدوا الحزام
ياااااااااااااااه هو احنا لسه هنشد الحزام
هى ديه الاجابه الى احنا بنسمعها لما بنقول للناس شدوا الحزام
بس انا عايزة اقول حاجة احنا عيشنا ظروف صعبه جدا على مدار سنين كتير
واحنا الى طالبنا التغير واحنا الى عملنا الثورة واحنا الى عايشين فى البلد ديه ومش هنسبها واذا كان بلدنا دلوقتى ظروفها صعبة واحنا واقفين على منحدر كبير بلدنا عايزة مننا ان احنا كلنا نشدها من على المنحدر ده فلازم الاصاله الى عندنا كلنا تطلع ونقول للبلد احنا هندخل مكاتبنا نشتغل ومصانعنا ونبنى مصر من اول وجديد وندى فرصة لمصر تقوم ونستعيد كيان مصر وبعد كده كلنا هناخد الى نستحقه ساعتها مصر لما هتكون كويسه وعليها ناس امناء كلنا ان شاء الله هناخد حقنا ومش هنسكت عنه ولو ده محصلش احنا خلاص نسينا الخوف وعرفنا حقنا ومطالبنا احنا بس عايزين ندى مصر فرصه تقوم وان شاء الله كل حاجة هتكون كويسه لازم يا جماعة ناخد فرصة نلتقط الانفاس عشان كتر الضر ب بيموت مش بيعلم الناس الصح

السلام عليكم ورحمة الله وبركاته
نجاح الثورة = نهضة مصر
الحمد لله رب العالمين انى صحيت فى يوم وشفت بلدى جميله كده انا شفتها جميله كده مش عشان سقوط نظام ولا رحيل اشخاص انا شفتها جميله كده عشان بناء روح الهمة والفريق والاخلاص والاخاء كلمات كتير عمرى ما شفتها مش عشان مكنتش عندنا لكن عشان مكنتش ظاهرة ومحدش دور عليها لكن انا عندى كلمه نفسى اقولها ويارب ما اطولش عليكم
احنا عملنا انجاز عظيم وهو انا احنا اثبتا ان عندنا معدن اصيل بجد مش مجرد كلام بنسمعه من الناس الكبيرة او فى اغانى الثورة
وعشان نكون قد الحدث العظيم الى مصر فيه دلوقتى لازم كلنا نوحدهدف واحد جميعنا نسعى اليه وهو نهضة مصر هدف عام عند كل مصرى ومصريه سواء كان فى مصر او خارج مصر
طب ازاىىىىىىىىىىىىى؟؟؟؟؟؟؟؟؟؟؟؟؟؟؟؟؟؟؟؟؟؟
اصل الثورة مش معناها ان احنا نجحنا الثورة معناها ان احنا بنحط رجلينا على بدايه الطريق الصح يعنى مثلا ان الثورة قامت ده مش معناه ان اللحمة البلدى هيبقى سعرها 20جنيه بكرة والمثل ده طبعا بطابع المهنه
لكن عشان اللحمة تبقى بعشرين جنيه لازم الاول مصر يكون عندها ثروة حيوانيه كبيرة ومتوفرة وصحتها كويسه وده هيحصل ان شاء الله لما نبدا بمشروع قومى لعجول التثمين يشرف عليه ناس امينه وخبرة وينفذه على الارض شباب صادق وقوى وحريص على مستقبل مصر
طبعا دلوقتى بتقولوا هو احنا هنستنى لنحد ما نجيب عجول ونثمنها عشان ناكل لحمة رخيصة ؟؟؟؟؟؟؟؟؟؟؟؟؟؟
ايوة لكن واحنا مستنين هنكون عارفين ان فى هدف قومى وان فى امل انها هترخص ان شاء الله وهدف قومى كلنا بنحاول ننفذه عشان لما يكتب التاريخ ويسجل يسجل ان احنا مقمناش بثورة تغير اشخاص ولكن قمنا بثورة نهضة للبلد ثورة خلت اليابس اخضر والهزيمه انتصار والاكتئاب طاقة عمل
يمكن خلال الشهور القادمة تبقى مرتبتنا زى ما هى لكن لما بلدنا ان شاء الله تتقدم ويخف عجز الموازنه احنا الى هنستفيد ان شاء الله وساعتها عشان احنا وقفنا وبنينا مصر هتدينا اكتر من الى احنا حلمنا بيه
كلنا لازم نسعى لهدف عام هونهضة مصر واكيد مش كلنا هنربى عجول لكن كل واحد هيسعى لتنميه مجاله عشان ان شاء الله كلنا نقوم واحنا ايد واحده